Aqtaýda túngi reıd kezinde 9 nysannyń jasyryn jumys istegeni anyqtaldy
Aqtaý qalalyq ákimdigi, qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasy qyzmetkeri jáne jergilikti polıtsııa ókili, qoǵamdyq keńes múshelerimen birlesken top qaladaǵy dámhana, monsha, býkmekerlik keńselerge monıtorıng júrgizdi.
Oblystyq bas sanıtarlyq dárigerdiń qaýlysyna sáı̆kes, dámhana meı̆ramhana tek tutynýshyǵa jetkizý ádisimen ǵana qyzmet kórsetýge ruqsat delingen. Alaı̆da, qalada keshki saǵat 21.00-den keıin jasyryn jumys istep turǵan tamaqtaný oryndary anyqtaldy.
Atap aı̆tsaq, 23-shaǵynaýdanda ornalasqan káýaphanada (vagon) tutynýshylar bar ekeni belgili boldy. Daıashy qyz alǵashynda óziniń qyzmetkerleri ekenin aıtyp aqtalǵan. Zańǵa sáıkes, tıisti ákimshilik hattama toltyryldy.
Al, 24-shaǵynaýdanda ornalasqan «Loto» býkmekerlik keńsesinde adam toly bolǵan. Kelýshiler úılerine asyǵar emes. Ákimshilik qyzmetkeri qandaı da bir aqparat berýden bas tartty. Ýchaskelik polıtsııa qyzmetkerlerin shaqyrǵannan keıin ǵana jazbasha túrde túsinikteme alyndy. Tıisti hattama toltyryldy.
Sondaı-aq, 32B-shaǵynaýdandaǵy «HFly chicken», 11-shaǵynaýdandaǵy «Kofe rıvera» dámhanasy men «Sátti» býkmekerlik keńsesiniń tyı̆ym salynǵanyna qaramastan jáne «Romantık» gúl dúkeni men 32V-shaǵynaýdandaǵy kólik jýý orny shekteýli ýaqyttan keı̆in jumys istep turǵany belgili boldy.
Atalǵan nysan ıelerine Ákimshilik quqyq buzýshylyq týraly kodekstiń 425-babyna sáı̆kes, 30 ben 200 AEK aralyǵynda aı̆yppul salynbaq.