Aqtaýda túngi klýb ıesi tanymal reperdiń kontsertin jasyryn ótkizbek bolǵan
AQTAÝ. QazAqparat – Aqtaýda rep oryndaýshysynyń kontsertin tamashalaýǵa kelgen 70-ten astam adam túngi klýbtyń aldyna jınalǵan, dep habarlaıdy QazAqparat tilshisi.
Kelýshilerdi polıtsııa qyzmetkerleri baıqap, monıtorıng top ókilderin shaqyrǵan. Monıtorıng top kontsertti toqtatyp, is-sharany uıymdastyrýshylarǵa ákimshilik kodekstiń 425-baby boıynsha aıyppul salyndy.
Mańǵystaý oblysynyń Polıtsııa departmenti baspasóz qyzmetiniń habarlaýynsha, V $ X V PRiNCE (Asha Prınts) laqap atymen tanymal rep oryndaýshynyń kontserti ótpek bolǵan.
«5 jeltoqsan kúni saǵat 21:40-ta 7 jáne 9 shaǵyn aýdandarda patrýldeý kezinde ýchaskelik ınspektorlar: polıtsııa maıory D.ıAtsko men polıtsııa kapıtany R. Alıev «N2O«klýbyna kire beriste 70-ten astam adamnyń jınalǵanyn baıqaıdy. Polıtseıler kelýshilermen sóılesip, «N2O» klýbynda kontsert ótip jatqanyn anyqtaǵan. Mobıldi monıtorıngtik top shaqyryldy, (ákimdik, ses, ákimdiktiń baspasóz qyzmeti) kontsert toqtatyldy. Kontserttiń uıymdastyrýshysyna QR ÁQBtK-niń 425-baby boıynsha materıal jınaldy», - dep habarlady Mańǵystaý oblysy polıtsııa departamentiniń baspasóz qyzmeti.
Ákimshilik kodekstiń 425-babyn buzǵany úshin jeke tulǵalarǵa - 30 AEK mólsherinde, laýazymdy tulǵalarǵa, shaǵyn kásipkerlik sýbektilerine nemese kommertsııalyq emes uıymdarǵa - 230 AEK mólsherinde, orta kásipkerlik sýbektilerine-310 AEK mólsherinde, iri kásipkerlik sýbektilerine-1600 AEK mólsherinde aıyppul salý túrindegi ákimshilik jaza qarastyrylǵan.
