Aqtaýda Toyota medıtsınalyq kólikpen soqtyǵysty, 4 adam zardap shekti
ASTANA. QazAqparat - Aqtaýda jol-kólik apatynda 4 adam zardap shekti, dep habarlaıdy Lada.kz.
Jol apaty 15 aqpan saǵat 19.30 shamasynda oblys ortalyǵyndaǵy 29-ynshy jáne 30-ynshy shaǵyn aýdandardyń arasynda boldy. Toyota Camry men mamandandyrylǵan medıtsınalyq kómek kóligi soqtyǵysty.
«Bizge úsh er adam men bir áıel jetkizildi. Olardy dárigerler qarap jatyr. Zardap shekkender arasynda balalar joq», - dep málim etti Mańǵystaý oblystyq jaraqat bóliminen.
Polıtsııa qyzmetkerleri oqıǵanyń mán-jaıyn anyqtaýda.
