Aqtaýda tórt adamnan 100 kg marıhýana tárkilendi

Shekara qyzmeti jáne UQK Mańǵystaý oblysy boıynsha departamenti prokýratýra organdarynyń kómegimen aımaqtyq esirtki arnasynyń jolyn kesti, dep habarlaıdy Kazinform.

Ótkizilgen operatsııanyń nátıjesinde Aqtaý qalasynda «esirtki tasymaldady, satty» degen kúdikpen Qazaqstannyń tórt azamaty ustaldy.

Tintý barysynda 100 kg asa «marıhýana» esirtki zaty tárkilendi.

Bul fakt Qylmystyq kodekstiń 297-baby 3-bóligi boıynsha sotqa deıingi tergep-tekserýdiń biryńǵaı tizilimine tirkeldi.

Ózge aqparat Qylmystyq-protsestik kodekstiń 201-baby 1-bóligine sáıkes jarııa etýge jatpaıdy.