Aqtaýda terezeden qulap ketken bala úıinde jalǵyz bolǵan
AQTAÝ. QazAqparat - Terezeden qulap ketken 5 jasar bala úıinde bir ózi bolǵan, dep habarlaıdy «QazAqparat» HAA tilshisi.
«Anasynyń aıtýynsha, ol 5 qabattan qulap ketken. Onyń saǵat qanshada bolǵanyn dál aıta almady. Ol úıine oralǵanda, bala aýyr jaǵdaıda bolǵan, keıin dáregerlerdi shaqyrǵan. Bizdiń dárigerler ony Mańǵystaý oblystyq balalar aýrýhanasyna jetkizgen, búldirshin sol jerde kóz jumdy. Balanyń jaǵdaıy óte aýyr boldy, júregi soqpady. Onyń mıy shaıqalyp, bas mıy zaqymdanǵan, jabyq bas súıek-mı zaqymy baıqalyp, qabyrǵasy synǵan, kókirek qýysy zaqymdanǵan, qaryny jaraqattanǵan, ishki qan ketýi baıqalǵan, sol jaq jambas súıegi jabyq synǵan, 2 jáne 3 dárejeli zaqymdanýdan eseńgiregen, 2 jáne 3 dárejeli gemorragıkalyq shok alǵan», - dedi Aqtaý qalalyq jedel járdem jáne alǵashqy medıtsınalyq kómek kórsetý stantsııasynyń dırektory Bolat Taıshybaev.
Dárigerler barlyq reanımatsııalyq is-sharalardy oryndaǵanyna qaramastan, balany aman alyp qalý múmkin bolmady.
