Aqtaýda teńiz jaǵalaýynan ıtbalyq óleksesi tabyldy

AQTAÝ. KAZINFORM – Teńiz janýarynyń óleksesin sýǵa shomylyp júrgen eresekter men balalar baıqaǵan. Oqıǵa demalys kúni 1-shaǵyn aýdandaǵy jaǵajaıda boldy. 

Atalǵan derek boıynsha Mańǵystaý oblystyq balyq ınspektsııasy basqarmasy basshysynyń mindetin atqaraýshy Qonarbaı Bazarbaev ıtbalyqtan synama alý múmkin bolmaǵanyn aıtty. 

– Oblystyq balyq sharýashylyǵy basqarmasynyń janýarlar dúnıesin qorǵaý qyzmetiniń mamandary jergilikti atqarýshy organdardyń ókilderimen birlese otyryp, oqıǵa bolǵan jerge baryp, ıtbalyqtyń óleksesin tapty. Onyń denesi qatty ydyrap ketkendikten synama alynbady. Teńiz janýary polıgonǵa jetkizilý úshin kommýnaldyq qyzmetke tapsyryldy, - deıdi Qonarbaı Bazarbaev.

Buǵan deıin, Mańǵystaýda Kaspıı jaǵalaýynan 117 ıtbalyqtyń óleksesi tabylǵan bolatyn.