Aqtaýda teńizden 22 jastaǵy jigittiń denesi tabyldy
AQTAÝ. QazAqparat – Aqtaýda qutqarýshylar teńizge batyp ketken 22 jastaǵy jigittiń denesin tapty, dep habarlaıdy QazAqparat tilshisi.
1997 jyly týǵan azamattyń denesi Aqtaýdan 25 shaqyrym qashyqtyqtaǵy «Shora» kanalynan shyqqan.
Mańǵystaý oblystyq tótenshe jaǵdaılar basqarmasy jedel-qutqarý jasaǵynyń málimetinshe, qaıǵyly jaǵdaı keshe bolǵan. Keshki saǵat 20.30 shamasynda habarlama kelip túsken. «Tree of Life» jaǵajaıynda teńizge shomylýǵa ketken jigit qaıta oralmaǵan.
Tańerteńnen izdestirý jumystaryn júrgizgen qutqarýshylar búgin túske taman jigittiń denesin sýdan alyp shyqty.
