Aqtaýda teńiz jaǵalaýyndaǵy shuńqyrǵa bala qulap ketti

AQTAÝ. QazAqparat - Aqtaýda 15-shaǵyn aýdandaǵy teńiz jaǵalaýynda qorshaýsyz ashyq jatqan shuńqyrǵa bala túsip ketti, dep habarlaıdy QazAqparat tilshisi.

«Bala abaısyzda shuńqyrǵa qulap ketti, shyǵaryp aldyq. Biraq turǵyn úı-kommýnaldyq sharýashylyq qyzmetkerleri shara qoldanýy tıis» - dedi kýágerler.

Abaısyzda bolǵan jaǵdaıdan balanyń densaýlyǵyna zııan kelmegen.

«Shuńqyr shilde aıynyń sońynda jaýǵan nóser jaýynnan paıda bolǵan. Ony qysqa merzimde qalpyna keltirý josparlanyp otyr. Jumystardy qala ákimdiginiń merdigerlik uıymy jasaıdy», - dedi Aqtaý qalasy ákimdiginiń baspasóz qyzmeti.