Aqtaýda teńiz jaǵalaýyndaǵy saýda-sattyq baqylaýǵa alyndy

AQTAÝ. QazAqparat – Aqtaýda teńiz jaǵalaýyndaǵy saýda-sattyq baqylaýǵa alynady, dep habarlaıdy QazAqparat tilshisi.
None
None

14-shaǵynaýdandaǵy teńiz jaǵalaýynda kásipkerler 10 jyldan beri oıyn mashınalary men velosıpedterdi jalǵa berip, saýdamen aınalysyp keledi.

Aqtaý ákimdiginiń baspasóz qyzmetinen habarlaǵandaı, endi saýdany retteý jáne kelbetin jańa úlgide jańǵyrtý maqsatynda qala ákimdigine qarasty sharýashylyqty júrgizý quqyǵyndaǵy «Aqbota» memlekettik komýnaldyq kásiporny quryldy. Mekemeniń teńgerimine 15 «A»,14 «A», 9 «A» shaǵynaýdandary ótti. 15 «A» Samal shaǵynaýdanynan bastap, 15 shaǵynaýdannan №4 úıge qarama-qarsy (1,7 shaqyrym) aýmaq turǵyndardyń serýendeýine arnalǵan. Onda oınaıtyn kólikter men saýda-sattyq jasaýǵa ruqsat berilmegen. Aldaǵy ýaqytta «Aqbota» saıabaǵy men jyly jaǵajaı (soldatskıı plıaj) da mekeme balansyna beriledi. Kásipkerler óz kásibin zańdy júrgizý úshin «Aqbota» mekemesimen shartqa otyrý qajet.

Teńiz jaǵasynda saýda-sattyqty retke keltirý úshin qala ákimdigi turǵyndar arasynda saýalnama júrgizdi. Onda serýendeýge jáne balalarǵa arnalǵan oıyn alańynda velosıped pen oıyn mashınalaryn qaı kúnderi jalǵa bergenin qalaıtyny, sondaı-aq serýendeý jáne kásipkerlerdiń ýaqytsha saýda-sattyq alańynda sýsyn, balmuzdaq satatyn dúńgirshikterdiń ornatylǵanyn quptaıtyny ne quptamaıtyny suraldy.

Qala ákiminiń baspasóz hatshysy Ǵalııa Kenjebaevanyń aıtýynsha, kásipkerlerge teńiz jaǵalaýynda saýdamen aınalysýǵa qala ákimdigi bergen ruqsattyń aıaqtalýyna baılanysty, olarǵa oryndardy bosatý týraly eskertpe qaǵazdar taratylyp, túsindirme jumystary júrgizildi. Atalǵan hat BAQ ókilderine, Aqtaý qalasynyń prokýratýrasyna, Aqtaý qalasy ІІB, Mańǵystaý oblysynyń kásipkerler palatasyna, Memlekettik qyzmet isteri agenttiginiń Mańǵystaý oblysy boıynsha departamentine, Aqtaý qalasy boıynsha kirister basqarmasyna da jiberildi.


Сейчас читают