Aqtaýda teńiz qyzyl túske boıaldy
ASTANA. QazAqparat - Birinshi shaǵyn aýdandaǵy «Shaǵala» qonaq úıinen «Nur plaza» jaǵajaıyna sheıin teńiz sýy qyzyl túske boıaldy. Jaǵalaýda baldyr jáne shylaý óte kóp baıqalady, dep habarlaıdy Lada.kz.
Aqtaý turǵyndary redaktsııaǵa kóptegen sýretter men vıdeolar jibergen.
«Sýdyń qyzyl túske engenin eki apta buryn baıqadyq. Alaıda asa kóp biline bermeıtin. Qazir teńiz sýy qanqyzyl túske endi», - deıdi jaǵalaýda jumys isteıtin qurylysshylar.
Eske sala ketsek, 2017 jyldyń mamyr aıynda Aqtaý turǵyndaryn teńiz sýynyń túsi tańqaldyrdy. Sol kezde ekologııa departamenti jaǵalaýǵa teńiz baldyrlary jınalyp qalǵanyn aıtqan bolatyn.
lada.kz paıdalanýshylarynyń fotosy
