Aqtaýda tehnıkalyq qyzmet stantsııasyndaǵy órtten 1 adam qaza bolyp, úsheýi jaraqattandy

AQTAÝ. QazAqparat – Mańǵystaý oblysynda tehnıkalyq qyzmet kórsetý ortalyǵynda bolǵan órtten 1 adam qaza bolyp, taǵy 3 adam aýrýhanaǵa tústi, dep habarlaıdy QazAqparat Tótenshe jaǵdaılar mınıstrliginiń resmı ókili Rýslan Imanqulovqa silteme jasap.

«12 qańtar kúni Mańǵystaý oblystyq Tótenshe jaǵdaılar departamentiniń «101» pýltine saǵat 18.20-da Aqtaý qalasyndaǵy tehnıkalyq qyzmet kórsetý ortalyqtarynyń birinde órt shyqqany týraly habarlama tústi.

Órt kezinde 6 turmystyq gaz ballony jaryldy.

Bul rette, órt sóndirýshiler ómirin qaterge tige otyryp, taǵy 17 gaz ballonyn alyp shyqty.

Jalyn saǵat 18.48-de aýyzdyqtaldy. Ot sharpyǵan aýmaq – 50 sharshy metr.

Oqıǵa saldarynan tehnıkalyq qyzmet kórsetý ortalyǵynyń bir jumysshysy (áıel) qaza boldy. Úsh er adam kúıik jaraqattarymen Mańǵystaý oblystyq aýrýhanasyna jetkizildi.

Órt sebebi anyqtalyp jatyr», - dedi R.Imanqulov.

Foto: QR TJM