Aqtaýda tegin doner taratý aktsııasynyń sońy janjalǵa ulasty

AQTAÝ. KAZINFORM – Aktsııa Munaıly aýdany Qyzyltóbe aýylynda josparlanǵan. Tegin doner men sýshı taratylatyny jóninde fasfýt dámhanasynyń ıesi habarlaǵan. Áleýmettik jelide taraǵan beınejazbada turǵyndar kóp jınalyp, bir-birin taptap kete jazdady. 

Oqıǵa ornyna polıtseıler kelip, jurtty sabyrǵa shaqyrdy.

Mańǵystaý oblystyq polıtsııa departamentiniń habarlaýynsha, kásipkermen profılaktıkalyq áńgime júrgizilgen. 

Dámhana ıesiniń aıtýynsha, ol adam kóp jınalady dep oılamaǵan.

- Qyzyltóbe aýylynda turǵyndardyń kóp jınalýyna baılanysty, quqyq buzýshylyqtardy boldyrmaý úshin tegin tamaq taratylatyn oryndy ózgertip, basqa aýylda ótkizip jiberdik. Bolashaqta mundaı jaǵdaılar qaıtalanbaıdy. Keshirim suraımyn, - deıdi kásipker.

Buǵan deıin, tegin doner taratqan aqtóbelik kásipkerge aıyppul salynǵany týraly jazǵan bolatynbyz.