Aqtaýda tegin medıtsınalyq keńes berý jáne tekserý aktsııasy ótedi
Aqtaý jaǵalaýynda Densaýlyq festıvali uıymdastyrylýda, onda qala turǵyndary men qonaqtary medıtsına qyzmetkerlerinen tegin keńes alyp, ekspress-taldaýlar tapsyra alady. Bul týraly festıval uıymdastyrýshylary — oblystyq densaýlyq saqtaý basqarmasy men Mańǵystaý salaýatty ómir saltyn qalyptastyrý ortalyǵy habarlady.
Densaýlyq festıvali 14 qyrkúıekte saǵat 08:00-de «Samal-Amfıteatr» baǵyty boıynsha oblystyq basqarma jáne departament basshylary men qyzmetkerleri, medıtsına ujymdarynyń ókilderi jáne sportshylardyń qatysýymen ótetin marafonnan bastalady.
Іs-shara 15-inshi shaǵyn aýdannyń jaǵalaýynda tańǵy jattyǵýmen jalǵasady.
Densaýlyq festıvali aıasynda medıtsınalyq qalashyq jumys isteıtin bolady. Munda boıdy, salmaqty, qan qysymynyń deńgeıin bilýge jáne jyljymaly medıtsınalyq keshen men flıýorografııa qyzmetterin paıdalanýǵa bolady.
Balalar úshin oıyn jáne sport alańy uıymdastyrylady.