Aqtaýda «Taza Qazaqstan» aktsııasy aıasynda senbilik ótti
AQTAÝ. KAZINFORM — Tazalyq jumystaryna memlekettik mekemelerdiń qyzmetkerleri atsalysty.
Olar 34-shaǵyn aýdandaǵy «Ana men bala» ortalyǵynyń aýmaǵy men 35-shaǵyn aýdan ishin qoqystan tazartty.
Aqtaý qalalyq memlekettik kirister basqarmasy zańdy tulǵalardy ákimshilendirý bóliminiń basshysy Arynbaı Jahangerdiń aıtýynsha, qalanyń tazalyǵyna ár turǵyn jaýapty.
— Búgin biz ujym bolyp «Taza Qazaqstan» aktsııasy aıasyndaǵy senbilikke qatysyp jatyrmyz. Barlyqtaryńyzdy tabıǵatty qorǵaýǵa, tazalyqty saqtaýǵa jáne qoǵamnyń ekologııalyq mádenıetin qalyptastyrýǵa yqpal etýge shaqyramyn, — deıdi Arynbaı Jahanger.
«Taza Qazaqstan» aktsııasy — tabıǵatty qorǵap, turyp jatqan aýmaqty taza ustaýǵa baǵyttalǵan mańyzdy bastama. Memlekettik mekeme qyzmetkeri osyndaı is-sharalarǵa turaqty túrde atsalysyp keledi.
— Merdiger mekemeler de qoldap jatyr. Olar qolǵap, kúrek, qapshyqtar ákelip, 10-nan astam tehnıkamen qamtamasyz etti. Jalpy aıtsam búgingi senbilikke 400-ge jýyq adam qatysty. «Taza Qazaqstan» aktsııasy jalǵasyn taýyp jatyr. Qala turǵyndary aımaqtyń ekologııalyq ahýalyn jaqsartýǵa nıetti, — deıdi Aqtaý qalalyq turǵyn úı-kommýnaldyq sharýashylyǵy bóliminiń bas mamany Jantilek Ashatov.
Buǵan deıin, Aqtaý ákimdiginiń ınjenerlik jeliler ótip jatqan jerge turǵyn úı salýǵa ruqsat berip jibergeni týraly jazǵanbyz.