Aqtaýda tártip saqshylary toı kortejderin tártipke keltirýde
AQTAÝ. QazAqparat - Aqtaýda «Toı korteji» atty jede-saýyqtyrý sharasy uıymdastyryldy. Eki kún ishinde polıtseıler 6 kortejdiń júrgizýshilerine aıyppul saldy. Reıd jýrnalıstermen birge júrgizildi. Bul bıyl alǵash ret ótkizilip jatqan shara, dep habarlaıdy lada.kz.
Alǵash toqtatylǵan kortejden eki zań buzýshy tabyldy. Olardyń birinshisi, jas jubaılardy alyp bara jatqan Mercedes-Benz kóligin júrgizip kelet jatqan bolatyn. Onyń saqtandyrý polısi joq bolyp shyqty (QR QK-niń 612 bap, 1 bólimi). Tártip saqshylaryna kólikti aıyp turaǵyna qoıyp, jas jubaılarǵa ózge kólikke otyrýǵa týra kelgen. Mercedes-Benz kóliginiń ıesine 5 AEK kóleminde (12 025 teńge) aıyppul salyndy.
Osy kortejden anyqtalǵan taǵy bir zań buzýshy Toyota Land Cruiser 200 markili kóligin júrgizip kele jatty. Onda kishkentaı sábı kóliktiń ishinde turyp turǵan. Kólikte sábılerge arnalǵan arnaıy oryndyq bolmaǵan. Júrgizýshige qatysty QR QK-niń 593 baby boıynsha hattama toltyrylyp (Jolaýshylary tasymaldaý tártibin oryndamaý), 12 025 teńge kóleminde aıyppul salyndy.
Ekinshi kortejben ketip bara jatqan Mercedes-Benz kóliginiń júrgizýshisi de saqtandarý polısinsiz júrgen, buǵan qosa ol qaýipsizdik belbeýin de taqpaǵan. Oǵan qatysty tártip saqshylary QR QK-niń 612 babynyń 1 bóligi jáne 593 baptyń 1 tarmaǵy boıynsha hattama toltyrdy. Salynǵan aıyppuldyń kólemi 24 050 teńgeni qurady.
Tártip saqshylarynyń sózinshe, alǵashqy 7 kúnde tólep úlgerse, aıppuldyń jartysyn ǵana tóleý múmkindigi bar.
«Buryn toı kortejderi aspanǵa oq atyp, artqa júrip, tártipti dóreki buzatyn bolsa, qazir ondaılar joq. Júrgizýshiler jol tártibin qadaǵalaýǵa tyrysady. Búgin biz de óreskel zańbuzýshylyqtardy anyqtaǵan joqpyz. Reıd sharalary áli jalǵasady»,-dedi Aqtaý qalalyq Jergilikti polıtsııa qyzmetiniń jol-patrýldik polıtsııasynyń aǵa serjanty Erbolat Ramanqulov.
