Aqtaýda taraqan qaptap ketken balabaqshaǵa tekserý júrgiziledi

AQTAÝ. QazAqparat – Aqtaýdaǵy №31 balabaqshada taraqan qaptap ketkeni týraly ata-analar shaǵym jasaǵan. Olardyń shaǵymy boıynsha bóbekjaıǵa tekseris júrgiziledi, dep habarlaıdy QazAqparat tilshisi.

«Quramynda bilim basqarmasy, aýmaqtyq sapany baqylaýdy qamtamasyz etý departamentiniń ókilderi bar arnaıy komıssııa quryldy. Komıssııa músheleri balabaqshanyń jumysyn tekseredi. Tekserý qorytyndysy boıynsha sharalar qabyldanady. Sonymen qatar, birlesken tekserý úshin qalanyń sanıtarlyq-epıdemıologııalyq qyzmetine ótinish joldandy», - delingen Mańǵystaý oblysy bilim basqarmasynyń baspasóz málimetinde.