Aqtaýda tanymal fotograf joǵalyp ketti
Aqtaýda tanymal fotograf Baýyrjan Asylbaev joǵalyp ketti. QazAqparat bul týraly lada.kz-ke silteme jasap habarlaıdy.
Er adamdy izdeý jumystaryn Lider.kz qozǵalysynyń eriktileri júrgizip jatyr. Olardyń málimetinshe, Baýyrjan Asylbaevty sońǵy ret ótken juma kúni, 22 qyrkúıek keshinde 8-shaǵynaýdandaǵy №7 úıdiń janynan kórgen. Ol ıyǵyna joldorba ilip alǵan.
Belgileri: boıy 165-170 santımetr, dene bitimi ortasha.
Er adam sur tústi sporttyq kúrtke, djıns shalbaryn, krossovka kıgen.
Іzdeý jarııalanǵan er adam týraly qandaı da bir aqparat bolsa, myna telefon nómiri arqyly habarlasýlaryńyzdy suraımyz: 8(700)499-72-92.
Belgili bolǵandaı, Baýyrjan Asylbaev Aqtaýda kásibı fotograf bolyp jumys isteıdi.
