Aqtaýda taksı qyzmeti qymbattap ketti

AQTAÝ. QazAqparat - El aýmaǵynda taksı quny eń arzan qalalardyń biri - Aqtaý. Alaıda, osy aıda atalǵan qyzmet baǵasy birshama qymbattap ketti. Buǵan kúsheıtilgen karantınge baılanysty qoǵamdyq kóliktiń toqtap qalýy sebep bolyp otyr, dep habarlaıdy QazAqparat tilshisi.

Buryn Aqtaýda 300-350 teńge turatyn qyzmet túri qazirgi kezde 450-700 teńgege bir-aq jetti. Baǵanyń kúrt kóterilgenine turǵyndar jıi shaǵymdanýda.

«Men Mańǵyshlaqta turamyn. Aqtaýǵa qatynaý úshin taksı qyzmetin 450-500 teńge aralyǵyna shaqyratyn edim. Qazir 600-1000 teńgege ǵana keledi. Kishkentaı qala Aqtaýdyń ishinde de taksı 400-den joǵary. Eń bolmasa qoǵamdyq kólik qaıtadan júrse bolar edi»,-deıdi qala turǵyny Raýshan Talapqyzy.

Mańǵystaý oblysy bas sanıtar dárigeriniń qaýlysyna sáı̆kes, oblys boı̆ynsha 20 shildeden bastap karantınniń kúsheı̆tilýine baı̆lanysty qoǵamdyq kólik tolyqtaı̆ toqtaǵan. Qazirgi tańda qala boı̆ynsha turǵyndardyń tek jeke kólikpen nemese taksımen júrýine ruqsat berilip otyr.

Turǵyndardyń shaǵymy boıynsha «Halyqqa kómek» shtabynyń bastamasymen Aqtaý qalalyq ákimdigi qyzmetkerleri jáne qalalyq máslıhat depýtattary shaharda qyzmet atqaratyn zańdy tirkelgen 6 taksı («Suńqar», «VIT», «Nurly jol», «Ýdacha», «Star», «Krýız») qyzmetiniń basshylarymen kezdesti.

«Kezdesý barysynda álemdi jaı̆laǵan indettiń saldarynan óńirde engizilgen karantınge baı̆lanysty avtobýstardyń toqtaǵany, osyǵan baı̆lanysty turǵyndardyń taksı aqysy qymbattaǵanyna jıi shaǵymdanatyny aıtylyp, túsindirme jumysy júrgizildi. Nátıjesinde 6 taksı qyzmetiniń basshylarymen memorandýmǵa qol qoı̆ylyp, jolaqy qunyn qala boı̆ynsha 350-450 teńge aralyǵynda ustaýǵa kelisim jasaldy» dep málimdedi Aqtaý qalasy ákiminiń baspasóz qyzmeti.