Aqtaýda sýshı jelisiniń basshysy mefedron satqan

ASTANA. QazAqparat – 34 jastaǵy er adam Aqtaýdaǵy sýshı-marketter jelisiniń basshysy bolyp jumys istegen. Tintý sharasy kezinde odan barlyǵy 692 gramm mefedron sıntetıkalyq preparaty tabylyp, tárkilendi. Bul týraly Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Mańǵystaý oblysynyń qylmystyq ister jónindegi mamandandyrylǵan aýdanaralyq soty esirtki jáne psıhotroptyq zattardy jasyrǵandardy 10 jylǵa bas bostandyǵynan aıyrdy. 34 jastaǵy er adam Aqtaýdaǵy sýshı-marketter jelisiniń basshysy bolyp jumys istegen. Ekinshi 32 jastaǵy er adam oǵan zańsyz iste kómektesip otyrǵan. Olar psıhotroptyq zattardyń partııalaryn jasyryp, esirtkini býyp-túıý boıynsha tapsyrmalar men koordınattardy Telegram qosymshasy arqyly alyp otyrǵan», - dedi Shuǵyla Turlybek mınıstrlikte ótken baspasóz máslıhatynda.

Onyń aıtýynsha, tintý sharasy kezinde barlyǵy 692 gramm mefedron sıntetıkalyq preparaty tabylyp, tárkilendi.

«Aıyptylardyń áreketi QR Qylmystyq kodekstiń 297-baby 3-bóligi 1 jáne 3-tarmaqtary boıynsha saralandy. ıAǵnı, adamdar tobynyń aldyn ala sóz baılasý arqyly esirtki, psıhotroptyq zattardy, olardyń analogtaryn ótkizý maqsatynda asa iri mólsherde satyp alýy, saqtaýy, tasymaldaýy. Sot qylmystyq toptyń eki negizgi múshesin 10 jylǵa bas bostandyǵynan aıyrdy», - dedi mınıstrlikten.