Aqtaýda sýǵa ketken jas jigit pen 10 jasar balanyń denesi tabylmaı jatyr

AQTAÝ. QazAqparat - Aqtaýdan 25 shaqyrym qashyqtyqta ornalasqan Shora kanalynda sýǵa ketken 2 adamnyń denesi tabylmaı jatyr, dep xabarlaıdy Qazaqparat tilshisi.

Іzdeý jumystaryna 6 vodolaz, tótenshe-qutqarý texnıkalary jumyldyrylǵan. Bul týraly tótenshe jaǵdaı departamentiniń baspasóz hatshysy Gúlnara Hodjabekova aıtty.

5 shilde kúni jedel-qutqarý jasaǵyna Shora kanalyna 25 jastaǵy jigit pen 10 jasar balanyń shomylýǵa baryp, sodan beri oralmaǵany xabarlanǵan. Sodan beri 3 kún ótse de, deneleri tabylmaı jatyr.

«Shora kanalyna jalpy 4-5 adam birge barǵan. Saǵat keshki 5-ter shamasynda naǵashy men jıen shomylý úshin sýǵa túsken. Shamalydan soń kórinbeı ketedi. Habarlama 17:30-da tústi. Dereý qutqarýshylar jiberildi», - deıdi MO jedel qutqarý jasaǵy bastyǵynyń orynbasary Baýyrjan Myrzaǵulov.

Іzdeý jumystary 5 shildede, xabarlama túsken kúni bastalǵan. Áli jalǵasýda.

Aıta keteıik, 5 shildede dál osy Shora kanalynda sýǵa ketken qyz balany tótenshelikter qutqaryp, aýrýxanaǵa jetkizgen bolatyn.