Aqtaýda sýǵa ketken balanyń denesi alty kúnnen soń tabyldy

AQTAÝ. QazAqparat - 5 shilde kúni sýǵa ketken aǵaıyndylardyń ekinshisi 10 jasar balanyń máıiti tabyldy, dep xabarlaıdy QazAqparat tilshisi.

Tótenshe jaǵdaı departamenti baspasóz qyzmetiniń xabarlaýynsha, izdeý jumystaryna qatysqan eriktiler balanyń máıitin «Shora» kanalynan 50 metr qashyqtyqta búgin keshki saǵat 19.20 shamasynda tapqan.

2009 jyly týǵan Ábýǵalı Erkebulandy izdeý jumystaryna Tótenshe jaǵdaı departamentinen 13 qutqarýshy, 3 izdeý quraldary men 2 tehnıka, 9 erikti jumyldyrylǵan.

Eske sala keteıik, 5 shilde kúni Aqtaý qalasynan 25 shaqyrym qashyqtyqta ornalasqan «Shoraı» kanalyna eki aǵaıyndy jigit ketip, qaıta oralmaǵanyn jazǵan edik. 25 jastaǵy Serik Tolbaıdyń denesi keshe tabyldy.