Aqtaýda sýǵa aǵyp ketken jasóspirimniń máıiti tabyldy
AQTAÝ. QazAqparat – Qutqarýshylar 2 maýsymda «Sarbaz jaǵajaıy» aýdanynda teńizde júzip júrip, sýǵa batyp ketken jasóspirimniń máıitin tapty. 2005 jylǵy jasóspirim Beıneýden kelgen, dep habarlaıdy QazAqparat Lada.kz saıtyna silteme jasap.
Mańǵystaý oblystyq TJD-dan habarlaǵandaı, jasóspirim teńizge arnaıy taqtaımen (SUP-board) shyqqan. Onyń máıiti jaǵadan júz metr qashyqtyqtan tabyldy.
«Tańǵy saǵat 8:35-te Kaspıı teńizinde TJD kúshtik qurylymy 2005 jylǵy azamattyń máıitin taýyp, sýdan shyǵardy. Ol 2 maýsymda serfıng taqtaıymen júzip júrip, batyp ketti», - dedi Aqtaý qalalyq tótenshe jaǵdaılar basqarmasynyń bas tergeýshisi Esen Borashev.
Qaza tapqan jasóspirimniń Beıneý turǵyny ekeni anyqtaldy. Keshe, 2 maýsymda TJD-ǵa sýǵa aǵyp ketken jasóspirimder týraly birden eki habarlama tústi: úsh balanyń ekeýi qutqaryldy.
