Aqtaýda sýdıalar zańger-stýdentterge dáris oqıdy
AQTAÝ. QazAqparat - Aqtaýda búgin Mańǵystaý oblystyq soty men Sh.Esenov atyndaǵy Kaspıı memlekettik tehnologııa jáne ınjınırıng ýnıversıtetiniń ókilderi arasynda yntymaqtastyq týraly memorandýmǵa qol qoıyldy, dep habarlaıdy «QazAqparat» HAA tilshisi.
Qol qoıylǵan qujatqa sáıkes, ýnıversıtettegi zań fakýltetiniń stýdentteri oblystyq sotta 100% tájirıbeden ótip, olarǵa jumysqa ornalasýǵa múmkindik beriledi. Sondaı-aq, 8 sýdıa, sonyń ishinde Mańǵystaý oblystyq sotynyń tóraǵasy Jaqsylyq Alanov stýdentterge bir aı boıy dáris oqıdy. 
Memorandýmǵa Mańǵystaý oblystyq sotynyń tóraǵasy Jaqsylyq Alanov, Sh.Esenov atyndaǵy Kaspıı memlekettik tehnologııa jáne ınjınırıng ýnıversıtetiniń rektory Ádilbek Botabekov qol qoıdy. 
«Memorandýmǵa qol qoıý - stýdentter daıyndaýda mańyzdy qadam bolyp tabylady. Bul oqý-tárbıe úrdisinde sot tóreligi boıynsha ǵylymı zertteýlerdi júzege asyrýda mańyzdy ról atqarady. Bul týraly stýdentterge keńirek dáris barysynda aıtatyn bolamyz. Oqý jáne óndiristik tájirıbe, jumysqa ornalastyrý, press-týrlar uıymdastyrý máseleleri tóńireginde jumys jasaımyz. Sondaı-aq, stýdentterdi keńse, sot úrdisteriniń aýdıo- vıdeofıksatsııasy jáne basqa da jumystarmen tanystyrý úshin aýdandyq jáne qalalyq sottarǵa ekskýrsııa uıymdastyrý qarastyrylǵan», - dedi Mańǵystaý oblystyq sotynyń tóraǵasy J. Alanov.
