Aqtaýda sý jınaý kanalynan qyzdyń denesi tabyldy

AQTAÝ. QazAqparat - Aqtaýdaǵy sý jınaý kanalynan 21 jastaǵy qyzdyń denesi tabyldy, dep habarlaıdy QazAqparat tilshisi.

102 kezekshi pýltine 2 shilde kúni saǵat 8:00 shamasynda «sý jınaý kanalyndaǵy kópir mańynda adamnyń denesi jatyr» degen shaqyrtý túsken.

Oqıǵa ornyna barǵan jedel tergeý toby qyzdyń denesin tabady. Denede zorlyq-zombylyq belgileri joq ekenin anyqtaıdy. Qazir bul derek boıynsha tergeý jumystary júrip jatyr.

«21 jastaǵy qyzdyń máıiti tabyldy. Bul derek QR Qylmystyq kodeksiniń 105-baby boıynsha Aqtaý qalasy polıtsııa basqarmasynyń sotqa deıingi tergep-tekserýdiń biryńǵaı tiziminde tirkelgen. Ózge aqparat tergeý múddesi úshin jarııa etilmeıdi», - dedi Mańǵystaý oblystyq Polıtsııa departamentiniń Іshki jáne syrtqy kommýnıkatsııa bóliminiń bastyǵy Gúlshara Bastaýbaeva.