Aqtaýda stýdentterge arnalǵan jataqhana salynady

AQTAÝ. QazAqparat - Aqtaý qalasynda qarasha aıynda 400 oryndyq jataqhananyń qurylysy bastalady, - dep habarlaıdy Qazaqparat tilshisi.

Óńirde jataqhana tapshylyǵy ózekti máselelerdiń biri. Qazirdiń ózinde 1 800 orynǵa suranys bar.

Qarasha aıynda 400 oryndyq jataqhana qurylysy bastalady. Sonymen qatar, Aqtaý qalasynan taǵy 200 oryndyq nysandy satyp alý týraly kelissózder júrgizilip jatyr.

«3 kolledjdiń janynan jataqhana ashylady dep josparlandy. Bireýi Jańaózen qalasynan, ekeýi osy Aqtaýdaǵy 27 shaǵyn aýdannan. 35 sotyqtaı jer bar. 3 500 sharshy metrdeı ǵımarat bolady. Ony AES qurylys mekemesi salýǵa nıet bildirip otyr», - deıdi oblystyq bilim basqarmasy basshysynyń mindetin atqarýshy Nurlybek Qoıjanov.