Aqtaýda stýdentterge arnalǵan jańa jataqhana paıdalanýǵa berildi
AQTAÝ. KAZINFORM - Aqtaýda mereke qarsańynda tehnologııalyq qyzmet kórsetý kolledjiniń stýdentter jataqhanasy ashyldy.
Mańǵystaý oblystyq bilim basqarmasy basshysynyń málimetinshe, stýdentter úıi kerekti zattarmen tolyq jaraqtandyrylǵan. 500 orynǵa laıyqtalyp salynǵan 5 qabatty nysannyń 240 bólmesi bar.
«Jataqhanada sanıtarlyq-gıgıenalyq úı-jaılar, demalys bólmesi, kompıýterlik synyp, oqý zaly, medıtsınalyq pýnkt, kir jýatyn oryn, útikteý bólmeleri, barlyq qajettiligi bar býfet, sport alańdary tolyq qamtylyp otyr», - dedi bilim basqarmasynyń ókilderi.
Jataqhananyń ashylýy kezinde Mańǵystaý oblysy ákiminiń orynbasary Qanat Quljanov, bilim berý salasynyń qyzmetkerleri, memlekettik organdardyń basshylary, úkimettik emes uıymdardyń ókilderi, «NCOC» kompanııasynyń ókilderi jańa áleýmettik nysannyń ashylýymen quttyqtap, stýdentter ıgili úshin qyzmet etetinin atady.
Sondaı-aq, Aqtaý tehnologııalyq qyzmet kórsetý kolledjiniń seriktes mekemeleri, tehnıkalyq jáne kásiptik, orta bilimnen keıingi bilim berý uıymdarynyń ókilderi, kolledjdiń ardagerleri jáne ata-analar men kolledj stýdentteri jataqhananyń ishki jaıymen tanys boldy.
