Aqtaýda stýdentterge 500 oryndyq jataqhana salynyp jatyr

AQTAÝ. QazAqparat - 2021 jyldyń qyrkúıek aıynda Aqtaý qalasyndaǵy 17 shaǵynaýdanda stýdentterge arnalǵan 500 oryndyq jataqhananyń qurylysy bastalǵan. Nysan jyl sońyna deıin qoldanysqa beriledi, dep habarlaıdy QazAqparat tilshisi.

«Ǵımarat 5 qabatty 3 bloktan turady. Jalpy aýdany — 10 723 sharshy metr. Jataqhana jobasynda 2 jáne 3 oryndyq bólmeler, medıtsınalyq pýnkt, býfet, oqý bólmesi, jınalys zaly, kıim jýý bólmesi qarastyrylǵan» dep málim etti Aqtaý qalasy ákiminiń baspasóz qyzmeti.

Qazirgi tańda nysannyń ishki árleý, ınjenerlik jeliler júrgizý jáne aýmaqty abattandyrý jumystary júrgizilip jatyr.

«Búgingi tańda jobanyń 80%-y daıyn. Jataqhanany paıdalanýǵa berý aǵymdaǵy jyldyń sońyna josparlanyp otyr»,-delingen habarlamada.