Aqtaýda sporttyq-saýyqtyrý kesheni ashyldy

Sport keshenin qaıta jańartý men jóndeýge 224,13 mln. teńge, al qural-saımandarǵa, turmystyq tehnıka, jıhaz jáne basqa da qajetti jabdyqtarǵa 102,948 mln. teńge qarajat jumsalǵan, dep habarlaıdy Mańǵystaý oblysy ákimdiginiń baspasóz qyzmeti.

Búgingi kúni sport kesheni bes fýnktsıonaldyq bólimnen turady. Aýdany 470 sharshy metr boltyn fýtbol, voleıbol, basketbol jáne kórkem gımnastıka boıynsha ótetin jattyǵýlarǵa arnalǵan ámbebap sport zaly bar. Ol zamanaýı sporttyq quraldarmen jabdyqtalǵan. Alańy 216 sharshy metr bolatyn shyǵys jekpe-jegi zaly, jabyq júzý basseıni, zamanaýı jabdyqtarmen, fıtness trenajerlermen jabdyqtalǵan, aýdany 300 sharshy metr bolatyn trenajer zaly; rezeńke jabyny bar shaǵyn fýtbol ashyq alańy - aýdany 648 sharshy metr, jeke sheshiný bólmeleri bar.

Árbir zal sanıtarlyq torappen jabdyqtalǵan, sheshiný bólmeleri, dýsh, basseın bar. Ákimshilik-turmystyq ǵımaratymen, resepshn, garderob, kir jýatyn oryn, medkabınet, jattyqtyrýshylar bólmesimen jabdyqtalǵan.

«Bul aýqymdy jáne jarqyn sporttyq mereke Qazaqstan memleketi saıasatynyń mańyzdy basymdyqtaryn iske asyrýǵa - salaýatty ómir saltyn nasıhattaýǵa, deni-saý urpaqty tárbıeleý men buqaralyq sportty damytýǵa óz yqpalyn tıgizedi. Bizdiń aımaqtaǵy sport mádenıetin jandandyrý jolynda   atqaryp jatqan jumystary úshin «Kaskor-Transservıs» AQ aktsıonerleri men basqarmasyna alǵysymdy bildiremin. Sport kesheniniń ashylýy bizdiń memleketimizdiń buqaralyq sport qozǵalysyn keńeıtý saıasatyna sáıkes keledi. Qazaqstan halqyna Joldaýynda N.A. Nazarbaev 2020 jylǵa deıin el halqynyń 30 paıyzyn dene shynyqtyrý men sportqa tartýǵa shaqyrdy. Tek salaýatty ult básekege qabiletti bolýy múmkin, demek, memlekettik  baǵdarlamany júzege asyrý aıasynda keshendi qaıta qurý óte ózekti», - dedi Mańǵystaý oblysynyń ákimi Eraly Toǵjanov.