Aqtaýda sport basqarmasynyń basshysy qamaýǵa alyndy

AQTAÝ. QazAqparat - Mańǵystaý oblystyq Sport jáne dene shynyqtyrý basqarmasynyń basshysy Nurbek Qarabalaev laýazymdyq ókilettigin teris paıdalandy degen kúdikpen tergelýdi, dep xabarlaıdy QazAqparat tilshisi.

Aqtaý qalasynyń mamandandyrylǵan tergeý sotynyń 31 qańtardaǵy qaýlysymen Sybaılas jemqorlyqqa qarsy is-qımyl ulttyq bıýrosynyń Nurbek Qarabalaevty «kúzetpen ustaý» túrindegi bultartpaý sharasyn qoldaný týraly ótinishi qanaǵattandyrylyp, on táýlikke qamaýǵa alýǵa sanktsııa berilgen.

«Mańǵystaý oblysynyń sport jáne dene shynyqtyrý basqarmasynyń basshysy Nurbek Qarabalaevqa memlekettik qyzmetke jáne memlekettik basqarý qyzmetine qarsy aýyr kólemde sybaılas jemqorlyq qylmysyn jasady degen aıyp taǵylyp otyr»,-dep xabarlady oblystyq sottyń baspasóz qyzmeti.

Osy derek boıynsha Qazaqstan Respýblıkasy Qylmystyq Kodeksiniń 361-babynyń 4-bóligi 3-tarmaǵy boıynsha sotqa deıingi aldyn ala tergeý isi bastaldy.