Aqtaýda sottalǵandarǵa arnalǵan jataqhana opyrylyp, eki adam mert boldy

AQTAÝ. QazAqparat - Aqtaýdaǵy GM-172/6 mekemesinde sottalǵandarǵa arnalǵan jataqhanalardyń biri qulady, dep habarlaıdy QazAqparat tilshisi ІІM Qylmystyq-atqarý júıesi komıtetiniń baspasóz qyzmetine silteme jasap.

Búgin saǵat 16.00-de (Nur-sultan ýaqyty boıynsha) Mańǵystaý oblysy boıynsha QAJ departamentiniń GM-172/6 mekemesinde sottalǵandarǵa arnalǵan jataqhanalardyń biriniń eki qabatty ǵımaratynyń ishinara qulaýy oryn aldy.

Qazirgi ýaqytta oqıǵa kezinde jataqhana ishinde 10 adam bolǵany anyqtaldy, olardyń 9-y qaýipsiz jerge shyǵaryldy.

Nátıjesinde 2 adam alǵan jaraqattarynan qaıtys boldy. Zardap shekkender aýrýhanaǵa jetkizildi.

Mekemede TJD avarııalyq-qutqarý brıgadasy, polıtsııa departamentiniń, prokýratýranyń qyzmetkerleri jumys istep jatyr. Arnaıy tehnıka tartyldy. Taǵy 1 sottalýshyny izdeý boıynsha jumystar júrgizilýde.

Qylmystyq atqarý júıesi komıtetinde 8 [phone] (Nur-sultan), 8-776-677-80-77 nómirleri boıynsha sottalǵandardyń týystary úshin táýlik boıy koll-ortalyq uıymdastyryldy.

Іshki ister mınıstriniń orynbasary Arystanǵanı Zapparovtyń basshylyǵymen arnaıy komıssııa quryldy. Oǵan QAJ komıtetiniń basshylyǵy, ulttyq aldyn alý tetiginiń qatysýshylary kirdi. Komıssııa músheleri oqıǵanyń mán-jaıyn anyqtaý úshin oqıǵa Aqtaýǵa ushyp ketti.

Atalǵan fakti boıynsha sotqa deıingi tergeý bastaldy. Qyzmettik tekserý júrgizilýde.

Jaǵdaı ІІM basshylyǵynyń erekshe baqylaýynda.