Aqtaýda sot banktiń zańsyz paıda tabýyna jol bermedi

ASTANA. QazAqparat - Aqtaý qalasy №2 sotynda talapker Banktiń jaýapkerler - eki jeke tulǵa men kepil retinde seriktes bolǵan zańdy tulǵa - JShS-dan ortaq túrde nesıe kelisimsharty boıynsha, negizgi qaryz - 6 982 192, 33 teńge, negizgi qaryzdyń ındeksatsııa somasy - 11 409 403,66 teńge, barlyǵy 18 391 595,99 teńge óndirý týraly shaǵymy boıynsha azamattyq is qaraldy.

Sot otyrysy barysynda, Bank tarapynan - 21 905 000 teńge nesıe somasynyń 13% jyldyq syıaqysy esebimen 120 aılyq merzimge qaryzǵa berilgeni anyqtaldy.  

Bank pen Zaemshylardyń arasyndaǵy nesıe berý sharty boıynsha aı saıynǵy tólem AQSh valıýtasynyń balamasyna tańylyp júrgizilýi kórsetilgen.

Alaıda, Bank QR «Qazaqstan Respýblıkasyndaǵy bankter jáne bank qyzmeti týraly» Zańynyń 34-babyna sáıkes kez kelgen valıýtanyń balamasyna tańylyp, teńgemen berilgen banktik qaryz sharty boıynsha mindettemeni jáne tólemderdi ındeksteýge jol berilmeıtinin eskermegen.

Sol sebepti, sot zań talaptaryn basshylyqqa ala otyryp, negizgi qaryz - 6 982 192,33 teńgeni óndirip, negizgi qaryzdyń ındeksatsııa somasy - 11 409 403,66 teńgeni óndirýden bas tartyp, Banktiń zańsyz paıda tabýyna jol bermeı, jaýapkerlerdiń quqyǵyn qorǵady.  

Sot sheshimi kúshine endi.