Aqtaýda soǵys ardageri Vasılıı Salazkın ómirden ozdy
ASTANA. KAZINFORM — Aqtaý qalasynda Ekinshi dúnıejúzilik soǵys ardageri Vasılıı Salazkın qaıtys boldy, dep habarlaıdy qalalyq ákimdiktiń baspasóz qyzmeti.
Aqtaý qalasynyń ákimdigi, qalalyq máslıhat jáne Aqtaý qalasynyń ardagerler keńesi Uly Otan soǵysynyń ardageri Vasılıı Salazkınniń dúnıeden ótýine baılanysty onyń týǵan-týystary men jaqyndaryna qaıǵyra kóńil aıtady.
— Vasılıı Salazkın — el basyna kún týǵan qıyn-qystaý kezeńde Otan qorǵaý jolynda erlik kórsetken, beıbit ómirdiń ornaýyna ólsheýsiz úles qosqan ardaqty maıdanger. Onyń qaısarlyǵy men janqııarlyǵy keıingi urpaq úshin árdaıym ónege bolyp qala beredi. Ardagerdiń jarqyn beınesi men eseli eńbegi el jadynda máńgi saqtalady. Marqumnyń jatqan jeri jaıly, topyraǵy torqa bolsyn. Jaqyndaryna sabyr men qaırat tileımiz, — delingen vedomstvo habarlamasynda.
Osyǵan deıin tarazdyqtar soǵys ardageri Mútálip Erejepbaımen qoshtasqanyn jazǵan edik.
