Aqtaýda skýter avtokólikke soqtyǵysty

AQTAÝ. QazAqparat - Aqtaýda skýter avtokólikke soǵysyp, júrgizýshisi aýrýhanaǵa jetkizildi. Bul týraly Mańǵystaý oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

Oqıǵa 18 aqpanda saǵat 22:36 shamasynda 32 A shaǵyn aýdanynda oryn alǵan.

«Skýter júrgizýshisi baǵdarshamnyń tyıym salynǵan belgisine toqtamaı, ótip bara jatqan «Toyota Carolla» avtokóligine soǵylǵan. Zardap shekken jol erejesin buzýshy adam birden Mańǵystaý oblystyq aýrýhanasyna jetkizilip, tıisti em-dom sharalary kórsetildi», - delingen baspasóz málimetinde.

Skýter júrgizýshisi jol erejesin buzǵany úshin ákimshilik jaýapkershilikke tartylmaq.