Aqtaýda shý týǵyzǵan úılený toıy kortejiniń júrgizýshileri jaýapqa tartyldy
ASTANA. QazAqparat - Úılený toıy korteji vıdeorolıginiń «batyrlaryna» aınalǵan tártip buzýshy tórt júrgizýshi ákimshilik jaýapkershilikke tartyldy.
Bul jaıly Mańǵystaý oblysy ІІD-niń baspasóz qyzmetine silteme jasap Lada.kz habarlaıdy.
Buǵan deıin júrgizýshileri men jolaýshylary jol júrý erejesin buzǵan tórt avtokóliktiń vıdeorolıgi jarııalanǵan bolatyn. Toyota Camry, Lexus LX 570 jáne Toyota Land Cruiser Prado kólikteriniń jolaýyshalyry - jastar kólik terezesinen bastaryn shyǵaryp alyp júrgen.
«Oqıǵa 9 shilde kúni Aqtaýda bolǵan. Tórt júrgizýshige qatysty QR Ákimshilik quqyq buzýshylyq kodeksiniń 593-baby, 1-tarmaǵy jáne 614-baby 1-tarmaǵy boıynsha ákimshilik quqyq buzýshylyq jónindegi hattama toltyryldy. Júrgizýshilerdi bes (11 345 teńge) jáne úsh (6 807 teńge) aılyq eseptik kórsetkish kólemindegi aıyppul tóleý jazasy kútip tur», - dep habarlady vedomstvo.
