Aqtaýda sheneýnik iri kólemde aıyppul tóledi
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń habarlaýynsha, ishinara jáne jospardan tys tekserýlerdiń nátıjesinde, ústimizdegi jyldyń 5 aıynda memleket kórsetetin qyzmetter salasynda ruqsat berýdiń tártibin, merzimin buzý jáne negizsiz bas tartý derekteri Aqtaý jáne Jańaózen qalalary, Munaıly aýdanynda bolyp, jalpy somasy 541 125 teńge kóleminde aıyppul salynǵan.
Al eń iri kólemdegi aıyppul Aqtaý qalasynyń ákimdiginiń sheneýniginen óndirilip otyr. Atap aıtqanda, barlyǵy 16 ákimshilik hattamanyń 10-y «Aqtaý qalalyq sáýlet jáne qala qurylysy» memlekettik mekemesiniń basshysy E.Sárkenovke qatysty toltyrylǵan.
«Sheneýnikke qatysty is Qazaqstan Respýblıkasy ákimshilik quqyqbuzýshylyq týraly Kodeksiniń 465 babynyń 2 tarmaǵy, ıaǵnı ruqsat berýden bas tartý jáne osy bólimniń 3 baby, ıaǵnı ákimshilik jaza qoldanylǵannan keıin bir jyl ishinde qaıtalap jasaǵan áreketi úshin jaza qoldanyldy», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy, Ádep jónindegi keńes tóraıymy Nurgúl Jannazarova.
Osylaısha bir jyldyń ishinde eki ret zań buzǵan ákimdik qyzmetkeri ákimshilik jazamen qutyldy.
Aıta ketý kerek, ótken jyldyń osy merzim aralyǵynda zańǵa qaıshy áreketterge jol bergen sheneýnikterge qatysty ýákiletti organmen 6 ákimshilik is qozǵalsa, bıyl bul kórsetkish 16 derekke artyq bolyp otyr.