Aqtaýda shaıandar teńiz jaǵasyna shyǵyp qaldy
Aqtaý. QazAqparat - Aqtaýda erekshe qubylys boldy. Prımorskıı shaǵyn aýdany mańyndaǵy teńiz jaǵalaýyn shaıandar qaptady, dep xabarlaıdy QazAqparat tilshisi.
Buǵan teńizdegi daýyl áser etken. Qatty tolqynnyń kesirinen qysqy úzilisten shyqqan álsiz shaıandar jaǵaǵa shyǵyp qaldy. Aqtaýlyqtar jaǵalaýǵa baryp, teńiz jándigin jınap júr.
Quzyrly organdar sáýir aıynyń 1-nen 15-ne deıingi aralyqta oblys boıynsha teńizde shaıan aýlaýǵa tyıym salynatynyn aıtýda. Óıtkeni, osy ýaqyt aralyǵynda teńiz jándigi uryqtanady. Zańǵa qaıshy áreket etetinder tabylsa, jaýapqa tartylyp 50 myń teńgeden asa qarjy kóleminde aıyppul tóleıdi.
«Qazir ekologııa departamentiniń mamandary teńiz jaǵalaýynan sý alyp, zertteýge jiberdi. Qorytyndysyn kútemiz. Bul tek osy jerde bolyp otyrǵan jaǵdaı. Basqa jaqta mundaı mundaı oqıǵalardy kezdestirmedik. Sondyqtan alańdaýǵa negiz joq. Barlyq shaıandar qatty tolqynnyń áserinen jaǵalaýǵa shyǵyp qalǵan»,-deıdi Mańǵystaý oblystyq Orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Ádizal Shıxmetov.
