Aqtaýda shala týǵan shaqalaqtardyń analary dárigerlerge alǵys aıtty

AQTAÝ. QazAqparat – Búgin merziminen buryn bosanǵan mańǵystaýlyq analar oblystyq perınataldy ortalyqqa baryp, dárigerlerge alǵys aıtty, dep habarlaıdy QazAqparat tilshisi.

Analar aqjarma tilekterin aıtty. Perınataldy ortalyqta týǵan sábıleriniń sol kezdegi jáne búgingi sýretterinen kitapsha daıyndap, dárigerlerge syılady.

«25 aptasynda sábıimdi ómirge ákeldim. 860 gramm boldy. Keıin salmaǵy 700 gramm bolyp azaıyp qaldy. Maǵan óte qıyn boldy. Qaramaımyn, almaımyn degen kezderim boldy. Tastap keteıin degen oı da joq emes. Biraq dárigerler raıymnan qaıtardy. Jansaqtaý bólimshesinde uzaq jatyp shyqtyq. Dárigerler men meıirbıkelerge alǵys aıtamyn», - deıdi Aqtaý qalasynyń turǵyny Aınur Kósherbaeva.

Mańǵystaý oblysynyń perınataldy ortalyǵynda jyl saıyn 8 myńǵa jýyq sábı dúnıege keledi.

Mamandar onyń 600-ge jýyǵy reanımatsııa bólimine túsetinin aıtady.

Al sol 600 sábıdiń 42 paıyzy - shala týǵandar. Olardyń salmaǵy 500 gramnan 1,5 kelige deıin ǵana bolady.