Aqtaýda seksenge jýyq kópbalaly ana «Kúmis alqa» ıegeri atandy

AQTAÝ. KAZINFORM - Aqtaýda 8 Naýryz - Halyqaralyq áıelder kúninde 73 kópbalaly anaǵa «Kúmis alqa» tósbelgisi tabystaldy. 

Búginde Aqtaý qalasynda 10 myńǵa jýyq kópbalaly ana turady. Qala ákimdigi jyl basynan beri 41 kópbalaly anany «Altyn alqa», 106 kópbalaly anany «Kúmis alqa» tósbelgisimen marapattaǵan.

Qalalyq ishki saıasat jáne tilderdi damytý bóliminiń uıymdastyrýymen ótken merekelik is-sharada qala ákiminiń orynbasary Nurtas Salı batyr analardy merekemen quttyqtady.

«Ana - qoǵamda ózindik orny bar tulǵa. Sizder balany tárbıeleýmen qatar, óz salańyzda adal qyzmet etip kelesizder. Tárbıelep otyrǵan balalaryńyz elimizdiń damýyna úles qosatyn úlken azamat bolsyn degen tilek bildiremin. Barshańyzdy halyqaralyq áıelder kúnimen quttyqtaımyn. Mereke qutty bolsyn!», - dedi Aqtaý qalasy ákiminiń orynbasary Nurtas Salı.

Aqpan aıynda jergilikti ákimdik kópbalaly 44 anaǵa «Altyn alqa» jáne «Kúmis alqa» tapsyrǵan edi. Olardyń 11-i «Altyn alqaǵa» ıe bolsa, qalǵan 33-ine «Kúmis alqa» saltanatty túrde berildi.