Aqtaýda SCAT áýe kompanııasynyń kassasy tonaldy
ASTANA. QazAqparat - Betperde kıgen er adam kassırlerdi pyshaqpen qorqytyp, bir kúndik túsimdi alyp ketken. Bul týraly Lada.kz habarlady.
Óz esimin atamaýdy ótingen aqparat kóziniń aıtýynsha, qarýly tonaý 27 aqpan kúni bolǵan. Qylmysker kassırlerdi pyshaqpen qorqytyp, bir kúndik tabysty alyp, ǵımarattan qashyp ketken. Kýágerlerdiń aıtýynsha, er adam betperdede bolǵan.
Tonaý túski úzilis kezinde bolǵan.
Qaskóı urlaǵan qarajattyń naqty somasy belgisiz. Kassashy qyz dabyl núktesin basqan, biraq kúzet agenttiginiń qyzmetkerleri kelgenshe er adam izin sýytyp úlgergen. Oqıǵa ornynda polıtseıler jumys isteýde.
