Aqtaýda saıabaqqa qoıylǵan músinderdi buzaqylar úsh kúnnen soń qıratyp ketti

AQTAÝ. QazAqparat – Aqtaý qalasynda saıabaqqa qoıylǵan balalar mýltfılmi keıipkerleriniń músinderin buzaqylar arada úsh kún ótpeı qıratyp ketken, dep habarlaıdy QazAqparat qala ákimdiginine silteme jasap.

«Qalany abattandyrý maqsatynda «Aqbota» saıabaǵyna jasandy ertegi keıipkerleriniń músinderi ornatylǵan bolatyn. Alaıda 3 kún ótpeı qalanyń belgisiz turǵyndary músinderdi qıratyp ketken. Ákimdiktiń tapsyrmasymen buzylǵan músinder qaıta qalpyna keltiriletin bolady. Osy oraıda, qala turǵyndary men qonaqtaryn ortaq múlikke jaýapkershilikpen qarap, búldirmeýdi suraımyz», delingen ákimdiktiń Facebook-tegi habarlamasynda.