Aqtaýdaǵy saýda úıleriniń birinde jeti jastaǵy qyzdyń saýsaǵyn eskalator kesip ketti

AQTAÝ. KAZINFORM - Aqtaýda saýda úıleriniń birinde jeti jastaǵy qyz bala eskalatorǵa miner kezde qolynan jaraqat aldy.

Oqys oqıǵa kóktemniń alǵashqy kúninde Aqtaýda bolǵan. Keıin jaraqat alǵan qyz bala dárigerdiń kómegine júginýge májbúr boldy.

Bul týraly Mańǵystaý oblystyq densaýlyq saqtaý basqarmasynan málimdedi.

«Oblystyq kópbeıindi balalar aýrýhanasyna saýsaǵyn kesip alǵan 7 jastaǵy qyz bala jetkizildi. Dárigerler saýsaǵyn aman alyp qalý úshin qoldan kelgen múmkindiktiń barlyǵyn jasady. Oǵan tıisti medıtsınalyq kómektiń barlyǵy kórsetildi. Qazir naýqas reabılıtatsıonarlyq em-dom qabyldap jatyr. Al saýsaǵynyń tutastyǵyna qatysty aldyn ala boljam jasaýǵa erte», - dedi Mańǵystaý oblystyq densaýlyq saqtaý basqarmasynyń baspasóz qyzmeti.