Aqtaýda sarbazdy temeki tuqylyn jeýge májbúrlegen serjantqa sot úkimi shyqty

AQTÓBE. KAZINFORM – Aqtóbe áskerı sotynda vzvod komandıri Ádilet Kerimbaevqa qatysty qylmystyq is qaraldy. Ol sarbazdy temeke tuqylyn jeýge májbúrlegen, uryp-soqqan.

Oqıǵa Aqtaýda bolǵanymen, is Aqtóbe áskerı sotynda qaraldy.

Іs materıalyna súıensek, 2024 jyldyń 29 aqpany kúni saǵat 10:00-17:30 aralyǵynda 25744 áskerı bóliminde tazalyq jumystary júrgizildi. Áskerı bólimdegi medıtsınalyq rota ǵımaratynyń jertólesinde júrgen serjant Á.Kerimov edennen temeki tuqylyn kórip qalady.

Sol kezde eki júrgizýshi ári qatardaǵy jaýyngerdi shaqyrady. Á.Kerimov eki sarbazǵa temeki tuqylyn jeýge buıryq beredi. Eki sarbaz da buıryqty oryndap, temeki tuqylyn jeıdi.

Sol kúni saǵat 12:00 shamasynda eki sarbazdyń biri ózin jaısyz sezinip, medtsınalyq pýnktke qaralady. Sóıtip áskerı qyzmetker isi Qylmystyq kodekstiń 451-baby 1-bólimimen sotqa tústi.

Sot kabınetindegi aqparatqa súıensek, 2024 jyldyń 2 naýryzy kúni áskerı bólimde taǵy tazalyq jumysy júredi. Sol kezde serjant Á.Kerimov birinshi qabatta ornalasqan jatyn orynda bolady. Ol bólmeniń shashylyp jatqanyn kórip, taǵy da eki sarbazdy shaqyryp alady. Sol kezde birin teýip, sarbaz keýdesin ustap, qulap qalady.

«Tur, ólme!» dep buıryq berip, qaıta kótirilgen sátte sarbazdy qaıta tebedi. Judyryǵymen urmaq bolǵanda sarbaz betin qorǵap qalady. Sol kezde jatýǵa buıryq berip, ózi uryp-soǵady.

Sot otyrysy kezinde sotttalýshy Á.Kerimov óz kinásin moıyndamady. 

Sot Ádilet Kerimovti Qylmystyq kodekstiń 451 baby 1 bóligimen aıypty dep tanyp, 2 jylǵa bas bostandyǵyn shekteý jazasyn taǵaıyndady.

Qylmystyq kodekstiń 44 baby negizinde jazasyn óteý merziminde jyl saıyn 100 saǵat qoǵamdyq jumysqa tartylady. 

Eske salsaq, byltyr jeltoqsanda Yrǵyz aýdandyq qorǵanys isteri bóliminiń bastyǵy jumys ornynda sýıtsıd jasady.