Aqtaýda sapbordpen teńizde júzip júrgen 6 adamdy aǵys alyp ketti

AQTAÝ. QazAqparat – Aqtaýda sapbordpen teńizde júzip júrgen 6 adamdy aǵys alyp ketti. Bul týraly QazAqparat lada.kz saıtyna silteme jasap habarlaıdy.

15 shilde kúni keshkisin teńizdiń Prımorskıı turǵyn úı alabyna qarsy tusynda sapbordpen júzip júrgen úsh adam – 31 jastaǵy eki adam, 29 jastaǵy bir adam sýǵa aǵyp ketken.

Óńirlik Tótenshe jaǵdaılar departamenti qutqarý operatsııasyn júrgizip, barlyq adam qutqarylǵan.

Sol kúni keshke sapbordpen júzip júrgen taǵy 3 adam qutqarylyp, aman qaldy. Dárigerler olarǵa alǵashqy kómek kórsetti.

Úshinshi qutqarý operatsııasy Túpqaraǵan aýdany Aqshuqyr aýylynda ótken. 2 adam úrlenetin qaıyqpen jaǵajaıdan alysqa sýmen aǵyp ketken. Qutqarylǵan er adamdarǵa Jedel medıtsınalyq kómek ortalyǵynyń qyzmetkerleri alǵashqy járdem kórsetken.