Aqtaýda salynyp jatqan qonaqúı kesheniniń aýmaǵynda órt shyqty

AQTAÝ. QazAqparat – Qurylys nysanynda akvaparkke arnalǵan syrǵanaqtyń plastmassa bóligi janyp ketken. Órtti órt sóndirýshiler kelgenge deıin sóndirip úlgergen. Bul týraly Mańǵystaý oblysy tótenshe jaǵdaılar departamenti bastyǵynyń orynbasary, azamattyq qorǵanys podpolkovnıgi Murat Muhanov málim etti, dep habarlaıdy QazAqparat Ladaǵa silteme jasap.

Salynyp jatqan «Aktau Resort Hotel» qonaqúı-týrıstik kesheniniń aýmaǵyndaǵy órt keshe, 15 mamyrda 21:50-de shyqqan. Oqıǵa ornyna órt sóndirýshiler barǵansha órtti adamdar sóndirip úlgergen.

«Sý syrǵanaǵynyń plastık bóligi janǵan. Órt 5-6 sharshy metr aýmaqty qamtyǵan. Oqıǵadan eshkim zardap shekken joq», - dep atap ótti Murat Múhanov.

Azamattyq qorǵanys podpolkovnıgi qazir oqıǵa ornynda órttiń neden shyqqanyn bilý úshin kezekshi anyqtaýshy jumys istep jatqanyn atap ótti.