Aqtaýda sábıdiń ústine ystyq sorpa tókken balabaqsha qyzmetkerine qatysty is toqtatyldy
Bul oqıǵa byltyr naýryz aıynda bolǵan edi. Balabaqsha ishinde júgirip júrgen qyz bala qazan kóterip kele jatqan tárbıeshiniń kómekshisine soqtyǵysyp qalady. Ystyq sorpadan búldirshin denesiniń 29 protsentin kúıik shalady. Osy jaǵdaıdan keıin qyzmettik tekserý júrip, meńgerýshi men tárbıeshiden túsinikteme alyndy. Tárbıeshi men onyń kómekshisi jáne meıirbıke jumystan shyǵaryldy. Toǵyz aı emdelgen balanyń jaǵdaıy elordada jasalǵan operatsııadan soń jaqsarǵan. Ata-anasy bolsa qalalyq bilim bóliminen bes mln teńge men kináli tulǵalardy qatań jazalaýdy talap etti. Jazbasha aryz negizinde aldymen azamattyq is qozǵalyp, 800 myń teńge óndirilip alyndy.
Al qylmystyq is búgin toqtatyldy.
«Atalǵan is boıynsha sot sottalýshylardyń óz kinálaryn moıyndap, istegen áreketterine ókinip otyrǵanyn nazarǵa aldy. Sottalýshylar men jábirlenýshilerge tatýlasýǵa múmkindik berildi. Jábirlenýshi tarapynan keshirim berildi. Sonymen qatar, Aqtaý qalalyq bilim bóliminiń atyna mamandardy jumysqa alý barysynda onyń áreketterin baqylap, bul áske jaýapkershilikpen qaraý jóninde qaýly shyqty. Balabaqsha meńsherýshisi ıÝldashevanyń áreketine protsessýaldyq sheshim qabyldaý jóninde qalalyq prokýratýraǵa jeke qaýly joldanady»,-dedi qalalyq sot sýdıasy Gúlmarjan Ádilsultanı.