Aqtaýda Reseı azamattaryn tonaǵandar ustaldy
AQTAÝ. QazAqparat - Reseı azamattarynyń 200 eýrosyn urlap ketken Aqtaýdyń eki turǵyny ustaldy. Bul týraly Mańǵystaý oblystyq Polıtsııa departamenti málim etti, dep habarlaıdy QazAqparat tilshisi.
Oqıǵa 11 shaǵynaýdannyń 39-úıiniń mańynda bolǵan.
«Zardap shegýshi tarap atalǵan oqıǵa týraly Aqtaý qalasy Polıtsııa departamentine aryzdanyp, shara qoldanýyn suraǵan. Qazir atalǵan fakti boıynsha QR Qylmystyq kodeksiniń 191-babynyń 2-bóligimen is tirkelip, tergeý jumystary júrgizilip jatyr», - delingen baspasóz málimetinde.
Tekserý barysynda 2 kúdikti ustalyp, tergeý ızolıatoryna qamalǵan.
Reseılikterdiń aqshasyn urlaǵan Aqtaý qalasy turǵyndarynyń biri 26 jasta bolsa, biri 31 jastaǵy er adamdar ekeni belgili boldy.
