Aqtaýda referendým kúni týǵan sábıge Ata-Zań esimi qoıyldy
ASTANA. KAZINFORM – Aqtaýda qalalyq aýrýhana perzenthanasynda dúnıege kelgen ul balaǵa ata-anasy erekshe esim berdi – respýblıkalyq referendým qurmetine Ata-Zań dep atady.
Dárigerlerdiń aıtýynsha, ana men balanyń jaǵdaıy jaqsy. Ata-ana bul esimdi Konstıtýtsııaǵa qurmettiń belgisi retinde jáne elde ótip jatqan respýblıkalyq referendýmnyń esteligi retinde tańdaǵandaryn aıtty.
Sońǵy jyldary Qazaqstanda mańyzdy oqıǵalar men qundylyqtardy beıneleıtin erekshe esimder jıi qoıylyp júr. Ásirese tarıhı máni bar sheshimder qabyldanatyn nemese jalpyhalyqtyq daýys berý ótetin kúnderi mundaı úrdis aıryqsha baıqalady.
Eske sala ketsek, búgin Qazaqstanda respýblıkalyq referendým ótip jatyr. Onda el azamattary konstıtýtsııalyq ózgeristerge qatysty óz pikirin bildire alady.
Daýys berý ýchaskeleri Astana ýaqyty boıynsha 07:00-den 20:00-ge deıin ashyq bolady.
Aıta ketelik Aqtaýda #NauryzSale aktsııasy aıasynda jármeńkeler ótip jatyr.