Aqtaýda iri kólemde elektrondy temeki men snıýs tárkilendi
AQTAÝ. KAZINFORM — Aqtaýda polıtsııa qyzmetkerleri 215 elektrondy temeki men 31 qaptama snıýs tárkiledi. Mańǵystaý oblystyq polıtsııa departamentiniń málimetinshe, oqıǵa 3 qyrkúıekte Aqtaý qalasynyń 28A shaǵyn aýdanynda bolǵan.
Krımınaldyq polıtsııa qyzmetkerleri Changan markaly avtokólikti toqtatyp, tekserý barysynda WAKA markaly 64 elektrondy temeki anyqtaǵan.
Keıin polıtsııa qyzmetkerleri qalanyń ónerkásiptik aımaǵyndaǵy garajdardyń birine tintý júrgizdi. Nátıjesinde taǵy 151 elektrondy temeki men 31 qaptama snıýs tárkilendi.
— Osylaısha jalpy sany 215 elektrondy temeki men 31 qaptama snıýs tárkilendi. Atalǵan derek boıynsha tekserý júrgizilip jatyr. Onyń qorytyndysy boıynsha qoldanystaǵy zańnamaǵa sáıkes tıisti protsestik sheshim qabyldanady, — delingen habarlamada.
Polıtsııa departamenti tyıym salynǵan ónimderdiń zańsyz aınalymy úshin jaýapkershilik qarastyrylǵanyn eske saldy.
Buǵan deıin, Mańǵystaýda 83 keliden astam marıhýana tárkilengen bolatyn.
Al, Almaty áýejaıynda 32 keliden astam esirtki tasymaly áshkerelendi.
