Aqtaýda pyshaqpen qarýlanǵan qaraqshylar lotereıa klýbyna shabýyl jasady
Qaraqshylar mekemeden bir mıllıonnan astam teńge alyp ketti.
Oqıǵa 5 shaǵyn aýdandaǵy «Loto Club» lotereıa klýbynda bolǵan. Ol jerge eki er adam kirip kelip, qomaqty qarjyny qoldy qylǵan.
«Qaskúnemder kúzetshi men kassırshi qyzdy pyshaqpen qorqytqan. Osylaısha, kassadan 1 mıllıon 150 myń teńge urlap, sodan keıin oqıǵa ornynan qashyp ketken», - dep habarlady oblystyq polıtsııa departamentiniń baspasóz qyzmeti.
Jedel-izdestirý sharalaryn júrgizý barysynda polıtsııa qyzmetkerleri Mańǵystaý oblysynyń eki turǵynyn anyqtap, ustady.
«Atalǵan derek boıynsha QR QK 192-babynyń 2-bóligi boıynsha sotqa deıingi tergeý bastaldy. Mamandandyrylǵan tergeý sotynyń sanktsııasymen ustalǵandarǵa qatysty kúzetpen ustaý túrindegi bultartpaý sharasy tańdaldy. Ózge aqparat tergeý múddesine baılanysty jarııa etilmeıdi»,-delingen habarlamada.