Aqtaýda prokýrorlar múgedek jannyń páterin qaıtaryp alýyna kómektesti
ASTANA. QazAqparat - Atyraýda prokýrorlar múmkindigi shekteýli jannyń páterin qaıtaryp alýyna kómektesti, dep habarlaıdy «Moı gorod» portaly.
Múgedek jan óziniń qamqorshysynan aıyrylǵan soń baspanasyz qala jazdady. Keıin belgili bolǵanyndaı, ol memleketten zańdy túrde páter alǵan jáne ony ózin asyrap otyrǵan baýyrynyń atyna rásimdegen. Onyń ústine múgedek jandy qamqorlyǵyna alǵan azamattyń da tegi Mahmýdov bolǵan.
«1996 jyly qamqorshy-Mahmýdov qaıtys bolǵan, al múgedek jandy qamqorlyǵyna onyń taǵy bir týysy alǵan jáne onyń da tegi Mahmýdov bolǵan. Mán-jaıdy teksergen ákimdik qyzmetkerleri páter ıesi Mahmýdovtyń qaıtys bolǵanyn anyqtaıdy. Mundaı jaǵdaı da páter ıesiz bolyp sanalady jáne ol kommýnaldyq menshikke qaıtarylýy tıis»,-dep habarlady prokýratýra ókilderi.
Osylaısha, baspanasynan aıyrylǵan jan amalsyz prokýratýra qyzmetkerlerinen kómek suraýǵa májbúr bolady. Qadaǵalaýshy organnyń ókilderi ákimdik qyzmetkerlerine múgedek jannyń páter alyp, alaıda qamqorshysynyń qaıtys bolýyna baılanysty baspanasyz qalǵanyn dáleldep berdi. Al bul ýaqytta páter memleket menshigine qaıtarylyp qoıǵan. Sondyqtan múgedek janǵa ony nóldik protsenttik stavkamen jekeshelendirip alýyna múmkindik jasaldy.
«Biz qala ákimdiginiń daý týǵyzyp otyrǵan páterdi qamqorshynyń qaıtarymsyz jekeshelendirýine qol jetkizdik»,-dep túsindirdi prokýratýra ókilderi.
